橫琴之旅

今天早上11點半就同卜卜一齊出發去買金莎~準備去香洲探二姑媽大人~~由於我唔想搭車o既關係~卜卜好偉大咁陪我行路去到關閘~~ 我地行到去~過完關~再搭埋的士~~到達「鳳凰花園」(二結媽屋企)o既時候已經12點40分左右ga啦~~而未入門口哥時我聽到d狗吠聲~已經好驚ga啦~當二姑媽一開門o既時候~隻狗叫得好大聲~~原來~佢係一隻松鼠狗~~~~ 卜卜玩隻狗玩得好開心~但係我就好驚隻狗~~第一次見d松鼠狗扮惡扮得咁似ga咋~~之後二姑媽煮左d雲吞比我食~~食食下o既時候表姐夫上左黎~不過我已經唔記得邊個打邊個ga啦~~佢又派左利時比我~~仲一齊食雲吞~~食完雲吞之後姑丈幫隻狗仔沖涼~~~仲用風筒幫佢吹毛毛~~隻衰狗鬼死咁爽~~聽姑丈佢地講,原來隻衰狗好識食ga!佢會飲奶,食餅乾~~~=口=’’’’ ’之後我坐底左~~點知隻死野跳左上黎我大脾度~~仲唔肯走~佢仲a大個口~~~搞到我鬼死咁驚~我大叫:「呀!!快d的走隻野啦!!」,「呀!好驚呀!!!」,「快d整走佢呀」~~~在場o既人都係度笑~冇人幫我> <~~then隻衰狗又周圍跳跳下~~~我覺得佢好煩~~我食野哥時佢仲兩隻腳咁企係度~對眼好深情咁望住我~當時我心諗:「衰狗,唔洗望啦~我唔會比你食ga!!!」~~ 之後其他人都陸續黎左~~仲派左利是比我~~~去一去香洲又逗多左幾百蚊~~真係好開心ga~~~之後表哥車左我,卜卜,二姑媽,姑丈一齊去橫琴食蠔~我地去左橫琴最入o既地方~~真係唔係人人都識去ga!!哥度叫「橫琴蠔生態園」~平時冇公共交通工具去到哥度ga!係d人自己渣車去ga咋~~
哥度鬼咁大風~~吹到我個頭成個癲婆咁~不過個養蠔場我真係第一次去ga咋~~而直望仲會見到我地澳門o既黑沙~~~唔知會唔會有人由橫琴偷渡去黑沙ga呢??

有樣野我比較唔明~就係唔知點解表哥成日都稱呼我做「小朋友」~~~=口=’’’’

係啦~~哥度o既蠔真係好好食~~卜卜都話第一次去ga咋!!而d蝦真係好鮮~~好耐都冇食過d咁鮮味o既蝦啦~~平時澳門d蝦係冇味ga!!仲有d雞~~都勁有味道~~~哥度d野真係勁正!!而卜卜仲攞左哥度o既卡片~~佢想第日同d工友一齊去咁話wor~~而食完左之後~表哥就車我地返拱北關口啦~~之後我同卜卜又好快咁過左關~~又係步行回家了~~

卜卜今日好似好開心咁~~太好啦~~~其實我都唔知自己係咪係度扮乖~~不過卜卜開心都是但啦~~~~