朱古力交換日

返埋今朝上午~我地KY o既同胞們就正式放寒假啦~而我地今朝仲交換定朱古力tim~因為~~下星期o既情人節放左假呀~

大家睇下我收到幾多朱古力~~係呢度~我要特別多謝李嘉敏~因為佢對我實在太好啦~佢親手整o既朱古力仲好好味tim呀!

李嘉敏佢整朱古力整到4點幾~~訓得哥2個鐘~真係辛苦佢啦~佢d果醬朱古力勁好食呀!!超正~~而佢仲幫我準備左茜茜哥份「世紀朱古力」~~落足料ga!!!正爆~~真係大快人心~~不過我知道總有一日茜茜會知道~~但係咁樣都唔緊要~~而家心涼就得啦~

而呢份係茜茜送比我o既~老實哥句~真係唔多好食囉~~不過是但啦~~都估到ga啦~平時吹水又係威係勢~~其實好多野~大家心照啦~有時我都真係唔係好知佢咩心態~~我之前又冇害過佢~但係佢一次又一次咁玩我~

呢份係盧魚送o既金莎~~呵呵~都幾好食ge~~其實佢都幾好人ga~不過我鍾意李嘉敏多d咁啦~~

今日亦都係派成績表o既日子~不過都冇乜驚喜~因為上星期已經知道左成績~~我第2段考第8~~兩段拉埋考第9~~已經叻左ga啦~~其實如果哥時我考試哥時努力d的話~~一定唔止第8名~~都係自己Lazy啦~~呀!~~呢排成日都唔聽書~~唔得~~我唔可以咁ga~寒假要補返自己唔識o既野先得~~

其實~~係未真係可以恨一個人恨五百年~~愛一個人愛一萬年呢???而家心入邊有好多個問號~~係未真係人o既思想~意念比光速快呢??定抑或「愛」會比光速快??

---------------------------------------------------------------------------------------

補打:o岩o岩同小影去完松山跑步~~今日我好叻女呀~~跑左三個圈~~每一個圈我都冇停過~~出左一身汗~~超爽~~不過真係辛苦小影啦~佢陪我跑~~我都知佢好痛苦ga啦~小影都跑左個半圈~~~之後我地仲見到好多貓貓狗狗~~~今日都幾開心ga~~我一邊望住d綠色o既樹木~一邊跑步~~覺得呢d日小真係好休閒~~~我寧願跑步都唔想溫習~~係啦~~下星期一又要去跑lu~~我要努力呀~~只要有恆心~~我一定得ga!!!LEO~ Si Wai~~我會為左你地而努力